RES MIRANDAE
O sobrenatural desde a Idade Media ata a actualidade
Curso de Verán (Santiago de Compostela, 1-3 xullo de 2026)
PRESENTACIÓN
Durante séculos, o “marabilloso” e o “sobrenatural” formaron parte da maneira medieval de interpretar o mundo. Santos e demoños, aparicións e milagres, monstros e símbolos conviviron nun universo onde a fe, a razón e a imaxinación dialogaban sen fronteiras definidas. O curso propón unha viaxe interdisciplinaria polo pensamento e as producións culturais da Idade Media no ámbito literario, histórico e artístico para descubrir como o “sobrenatural” se converteu nunha auténtica categoría cultural. A partir de enfoques da filoloxía, a historia, a arte e a antropoloxía, exploraremos como o invisible modelou a mentalidade medieval —e como esas mesmas preguntas sobre o misterio, a crenza e o descoñecido seguen vivas hoxe en Galicia
OBXECTIVOS
-
Analizar o “sobrenatural” como categoría cultural e intelectual na Idade Media.
-
Examinar o diálogo entre textos, imaxes e crenzas na construción do marabilloso.
-
Integrar enfoques filolóxicos, históricos, filosóficos e antropolóxicos.
-
Comprender a actual relación co sobrenatural, moi presente en Galicia.
-
Promover o contacto entre estudantes, público xeral e especialistas internacionais.
-
Ofrecer unha experiencia formativa interdisciplinaria e vivencial.
TRES XORNADAS
Categorías, espazos e linguaxe do sobrenaturalquarta, 01/07Facultade de Filoloxía ~ USC
Tradicións, crenzas e saberes ocultosquinta, 02/07Facultade de Filoloxía ~ USC
Imaxes, manuscritos e orde social do sobrenaturalsexta, 03/07Facultade de Filoloxía ~ USC